e2-e4

დედოფლის ბედნიერებისთვის მებრძოლი პაიკის ბლოგი

ვის აჩუქე ბიჭო ულვაში?!

with 15 comments

”მადონა ორეტე, თუ მიბრძანებთ, შემიძლია ისეთი საუცხოო ამბავი მოგახსენოთ, რომ თქვენ წარმოიდგენთ, ვითომ ცხენზე ზიხართ და ისე მიბრძანდებით…” ბოკაჩო ”დეკამერონი”

მაშ დავიწყოთ.

შუასაუკუნეების ევროპაში ძალიან გავრცელებული და პოპულარული გახლდათ ჰენრი დ’ანდელის (Henri D’ Andeli) მიერ დაწერილი პატარა იუმორისტული ამბავი არისტოტელეს შესახებ. ისტორია ასეთია:

არისტოტელე თავის მოწაფეს, ალექსანდრე მაკედონელს, ურჩევდა თავი შორს დაეჭირა ერთი ქალისგან, რომელიც მისი აზრით ხელს უშლიდა მას ქვეყნის მართვაში, რადგან იგი ძალიან ბევრ დროს ხარჯავდა ქალთან ურთიერთობაში. ეს ქალი იყო ვინმე ფელისი. (Phyllis) ფელისმა გაიგო რა ეს ამბავი, განაწყენდა და გადაწყვიტა შური ეძია არისტოტელეზე. ერთხელაც, როცა ბრძენი მასწავლებელი თავის ოთახში წიგნებთან იჯდა და ცოდნას იღრმავებდა, ფელისი ფანჯარასთან ახლოს მივიდა და სიმღერა დაიწყო. მას თმები გაშლილი ჰქონდა და შიშველი ფეხები უჩანდა. არისტოტელე  იმდენად მოიხიბლა ნანახი სილამაზით რომ წიგნი დახურა, მიუახლოვდა ქალს, ხელი გაუწოდა და ეროსით შეპყრობილმა, თავისი მხურვალე ვნებების დაკმაყოფილება სთხოვა. ქალი დაეთანხმა, ოღონდ ერთი პირობით – ოთხზე დამდგარ არისტოტელეს იგი ზურგზე უნდა შეესვა და ბაღში გაესეირნებინა. არისტოტელემ მისი მოთხოვნა შეასრულა და მოახლეების თანდასწრებით გაასეირნა ქალი.  ფელისი კარგად მოთავსდა ფილოსოფოსის ზურგზე და სასიყვარულო სიმღერების შესრულება განაგრძო. ამ დროს ბაღში ალექსანდრეც გამოვიდა, რომელიც ძალიან განაწყენდა მასწავლებლის ქცევით: მე მეუბნებოდი თავი შორს დაიჭირე  მაგ ქალისგანო და შენ თავად რას აკეთებო – უთხრა ალექსანდრემ. ბრძენი არისტოტელე რის ბრძენი იქნებოდა თავი რომ ვერ დაეძვრინა უხერხული და კომიკური სიტუაციიდან: ამ საქციელით იმის ჩვენება მინდოდა, თუ როგორ არ უნდა მოიქცე – უთხრა მან მოწაფეს.

აი, ასეთი ისტორია აღწერა დ’ანდელიმ, რომელიც როგორც უკვე გითხარით ძალიან პოპულარული გახდა და შემდეგშიც გვხდება სხვა მწერლებთან. ასევე ამ ამბის მიხედვით შეიქმნა ბევრი ნახატი, გრავიურა და ა.შ.

არისტოტელეს კომიკურ შემთხვევაზე ქართული ფილმი ”შერეკილები” მომაგონდა. ციხის უფროსი რომ უყვირის ახალგაზრდა კაცს – ვის აჩუქე ბიჭო ულვაში… ქალები დაგღუპავენ შენ, ქალები! და ამ დროს თავად გაიქცევა მარგარიტასთან. ხოდა, აბა რა გასაკვირია გამოუცდელ ახალგაზრდას ულვაში რომ ეჩუქებინა ქალისთვის, ხომ ხედავთ ფილოსოფოსო რა დღეში ჩააგდო ვნებამ და ერთმა მომხიბვლელმა არსებამ. კიდევ ბევრი ისტორიის გახსენება შეიძლება სადაც ქალები კაცს ისე ატრიალებენ თავის ჭკუაზე, როგორც მაგალითად ტაქსის მძღოლი რკინის რგოლზე ასხმულ გასაღებების აცმას ატრიალებს საჩვენებელი თითით, ჯერ მარჯვნივ, მერე მარცხნივ.

ანდა რაღა შორს წავიდეთ ისტორიების მოსაძიებლად, აგერ არ ვარ. იყო დრო როცა ”იმას” ველაპარაკებოდი ტელეფონზე. ერთ მზიან დღეს ბევრი ვილაპარაკეთ, ხან რაზე და ხანაც რაზე. უცებ, არვიცი საიდან მოაფიქრდა ”იმას”, მითხრა: გინდა თუ არა იატაკზე დაჯექი როგორც მე ვზივარო. არადა შაჰაბასის პოზაში ჯდომა ჩემი სტილი არ არის, არც მაშიან არ მინდოდა ფეხმორთხმით იატაკზე მოკალათება, მაგრამ რა მექნა აბა, ხომ არ მოვიტყუებოდი დავჯექი მეთქი… ასე მომსვეს უკანალზე.

თქვენ ალბათ გაინტერესებთ რა ისტორია მოუყვნენ მადონა ორეტეს, დიდი არაფერი, უფრო სწორად ისტორია საინტერესო იყო, მაგრამ მთხრობელი არც ისე კარგი მჭერმეტყველი გამოდგა და ქალბატონმაც ენამოსწრებულად უთხრა რომ თქვენი ცხენი ძალიან გვანჯღრევსო. ამიტომ სანამ რამეს მეტყოდეთ აქვე დავასრულებ პოსტს. აღარ გამოვა ჩემგან ცხენი.

Advertisements

15 Responses

Subscribe to comments with RSS.

  1. იოოოჰ

    მაგარი პოსტი იყო 🙂

    xissunianisaxli

    ნოემბერი 28, 2009 at 17:30

  2. ვაიმე, მეორე სურათზე რა საშინელი ქალი ზის – ჩამოწელილი მკერდით და მსუქანი მუცლით, ამან მოხიბლა არისტოტელე? 😐

    პოსტი კი მეტად საინტერესო გამოვიდა : ))

    Natalia

    ნოემბერი 28, 2009 at 18:02

    • ეგ იმ დროინდელი გემოვნება იყო.. რომ ნახო დიურერის ქალები გრავიურაში, იმდროინდელ გერმანელ კაცებზე შეხედულება დაგეკარგება :ლოლ:

      kevana

      ნოემბერი 30, 2009 at 00:21

  3. ანდაზა გამახსენდა – კაცი თავია, ქალი კი მისი კისერიო 🙂
    კიდევ ის, რომ “ფელის” ესპანურად ბედნიერებას ნიშნავს, ჰოდა თუ ამ განმარტებას ზოგადად ქალებზე გადავიტანთ, რა გასაკვირია კაცები მათ ულვაშს რომ ჩუქნიან 🙂
    კარგი წასაკითხი იყო ძალიან!

    keti

    ნოემბერი 28, 2009 at 18:24

    • არ ვიცოდი ”ფელის” ბედნიერებას თუ ნიშნავდა, საინტერესოა და მადლობა. 🙂

      ჯორჯ პაიკი

      ნოემბერი 29, 2009 at 11:49

  4. ულვაშები უნდა გავიზარდო..

    BigCrow

    ნოემბერი 29, 2009 at 05:32

  5. კარგი იყო 🙂

    Maka Asatiani

    ნოემბერი 29, 2009 at 14:15

  6. მიყვარს შენი ბლოგის კითხვა..ვიზრდები და ულვაშებიც მეზრდება 🙂 ეგ ამბავი არ ვიცოდი, ღმერთმანი! კარგია..წავედი ახლა სხვას წავიკითხავ! შენსას!

    iameosi

    ნოემბერი 29, 2009 at 15:51

  7. saintereso da saxaliso 🙂 madloba

    Avrora

    ნოემბერი 29, 2009 at 17:22

  8. “აღარ გამოვა ჩემგან ცხენი.” – 😀 😀

    ნან

    დეკემბერი 2, 2009 at 19:01

  9. =))))))))))))) ჰეჰ თუნდაც ათას ერთ ღაამეში ისეთი ქალებია აღწერილი გული შეგიწუხდება =))))

    “აღარ გამოვა ჩემგან ცხენი.” 😀
    არც უნდა გამოვიდეს 😆

    Kate_AlukaЯD

    დეკემბერი 3, 2009 at 01:04

  10. გავითვალისწინებთ გულწრფელ აღიარებას :)))

    fiqro

    დეკემბერი 6, 2009 at 23:58

  11. “რა უყავი ბიჭო ულვაში?!” კარგი იყოო 🙂

    c.

    დეკემბერი 13, 2009 at 02:12

  12. ძალიან საინტერესო იყო
    და ზოგადად, ძალიან საინტერესო ბლოგია, მე კი მხოლოდ დღეს აღმოვაჩინე
    პატივისცემით
    აწ უკვე ერთგული მკითხველი 🙂

    nakrina

    იანვარი 21, 2010 at 23:00


კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

%d bloggers like this: